Sta. Cruz, Davao Del Sur – Patay ang usa ka 10 anyos nga batang babaye human nga wala na kagawas sa nasunog nilang balay didto sa Purok Sun Flower, Barangay Coronon, lungsod sa Sta. Cruz, Davao del Sur dominggo sa hapon., Agusto 22 ning kasamtangang tuig.
Subay sa imbestigasyon sa Sta. Cruz Bureau of Fire Protection (BFP) nasayran nga ang biktima mao si alyas Lyca nga usa ka mentally disable, gibiyaan sa iyang inahan kinsa dunay gipalit sa tindahan, apan kalit na lamang miulbo ang kalayo sa ilang balay.
Dul-an 30 minutos nga nakigbugno ang mga bombero sa kalayo ayha kini napalong sa hingpit. Sa kakusog sa kalayo ug grabing ka-init, pakyas nga maluwas pa ang biktima sa iyang inahan ug mga silingan.
Nagpadayon karon ang gihimong imbestigasyon sa kabomberohan sa hinungdan ug asa nagsugod ang pag-ulbo sa kalayo ug kung pila ang damyos sa sunog.
(Source: Sta. Cruz Davao del Sur BFP)