General Santos City – Dakpan ug balhog karon sa prisohan ang usa ka lalaki nga giilang Street Level Individual sa gihimo nga buy-bust operation sa PNP sa may Yuman Street, Brgy. City Heights, General Santos City kagahapon sa buntag Agosto 28, 2024.
Si Police Colonel Nicomedes P Olaivar Jr., City Director sa General Santos City Police Office niila sa indibidwal nga si alyas “Michael”, 46-anyos, minyo, drayber ug residente sa nahisgutang lugar.
Matod ni PCol. Olaivar Jr., mga alas 2:02 sa kaadlawon dihang nagpahigayon og buy-bust operation ang hiniusang pwersa sa GSCPO-CPDEU, RSOG 12, RID12 Tracker Team Bravo ug Police Station 4, nasakmit nila ang walo ka dagko ug tulo (3) ka gagmay nga transparent plastic sachet sa gituhoang shabu, usa ka cal unit. 45 nga pusil nga adunay magazine ug adunay sulod nga upat ka bala ug uban pang mga butang nga dili druga.
Ang suspek pasakaan og kasong kalapasan sa section 5 ug 11 Art. II sa RA 9165 o Comprehensive Dangerous Drugs Act of 2002. (Rem C. Agdon)