Mohatag og tag ₱ 4,500 ang lokal nga panggamhanan sa lalawigan sa Misamis Oriental ubos sa liderato ni Governor Bambi Emano ngadto sa 424 ka mga barangay nga sakop sa probinsya.
Kini aron mas mapatuman sa hingpit ug epektibo ang executive order no. 2021-012 nga gipagawas sa amahan sa lalawigan nga nagmando sa Barangay Health Emergency Response Team (BHERTs) pinamunoan sa mga kapitanes sa matag barangay mas pahugtan ang implementasyon sa mga gabayan sa Modified General Community Quarantine (MGCQ) nga status sa Misamis Oriental.
“I hope with cases rising in Misamis Oriental that we will be able to help the local Government kay dunay gipagawas nga Executive order nga mag distribute ta og tag 4,500 sa tanan 424 barangay sa Misamis Oriental,” matud sa Gobernador.
Gitahasan ni Governor Bambi ang mga Board Member sa Sangguniang Panlalawigan nga kanunay gasuporta sa iyang mga programa nga maoy magpaabot sa maong kantidad sa kabarangayan.
Tuig na kapin ang pakigbatok sa lalawigan sa makapatay nga Covid-19 apan wala mapakyas ang Administrasyon ni Governor Bambi Emano sa paghatag og suporta sa mga nanginahanglan sa kabarangayan.
(Source: Office of the Barangay Affairs – Province of Misamis Oriental Facebook page)