Cagayan de Oro – Personal nga gipasalamatan ni Mayor Rolando Klarex Uy ang Zuellig Family Foundation ug Interphil Laboratories sa gidonar nga mga tambal balor og kapin sa milyon alang sa dakbayan sa Cagayan De Oro, atol sa ilang pagbisita sa buhatan sa mayor karong adlawa.
Nangulo sa courtesy visit si Dr. Anthony Faraon ang Deputy Executive Director sa Zuellig Family Foundation ug Interphil Laboratories Marketing Head Carlito Realuyo.
Samtang gipresentar usab ni City Health Officer Dr Rachel Dilla si Dr. Faraon ug Mr Realuyo atol sa pagpakayab sa nasudnong bandila sa city hall sa susamang adlaw.
Matud ni Dr. Dilla, dako og tabang sa administrasyon ni Mayor Klarex ang maong mga tambal ilabina sa programa niining Klarex nga Serbisyo sa Baryo matag adlaw’ng Sabado ingon man sa programa’ng medical sa mayor.
Nanghinaot usab ang Zuellig Family Foundation ug Interphil Laboratories nga maka tabang ang maong mga tambal ilabina sa mga programa sa panglawas sa mga Kagay-anon.
News and photo courtesy of CIO CDO