Un “traffic enforcer” el ya muri na un incidente de tiroteo na ciudad de Lamitan provincia de Basilan, asegun con el policia del Sabado.
Asegun con Police Lieutenant Colonel Arlan Delumpines, el hefe del policia na ciudad de Lamitan, con el victima ya conose como si Abbas Sarabi, 57 años el edad.
Asegun con Delumpines con Sarabi ya tira mga alas 6:20 del Viernes aga na carritera del Sitio Tinambakan, Barangay Maganda, ciudad de Lamitan.
Base na investigacion, si Sarabi ta maneja motorsiclo y de camino para compra pan na un sercano panaderia cuando ya tira conele el uno del dos personas muntao na otro motorsiclo que ta sigi na atras del victima.
Con Sarabi ya tupa el tiro na cabesa y tangcugo que ya resulta el de su Muerte.
Asegun con Delumpines ya recubri dos capsula de calibre .45 pistola na lugar del crimen.
Si Delumpines ya habla cay ta continua de ila investigacion para determina el motivo y si quien el mga echor del incidente. (B. Garcia, photo courtesy of Lamitan City Police Station)