El mga autoridad ya aresta un trabajante de construccion listao como un individual de alto valor, o HVI, y ya confisca valor de P1.02 millones droga ilegal na un operacion contra droga na ciudad de Zamboanga, asegun con el policia del Martes.
El Philippine National Police Drug Enforcement Group (PNPDEG) ya identifica con el arestao suspechao como si alais Munjimar, 33 años el edad y residente del Sitio Asinan, Barangay Kasanyangan, ciudad de Zamboanga.
Asegun con el PNPDEG, con el suspechao ya aresta na un operacion de compra busto del Lunes denoche na un establicimiento de negocio na Barangay Tetuan, ciudad de Zamboanga.
El policia ya habla, ya confisca desde con Munjimar 150 gramos de suspechao shabu enpaquetao na tres termosellada transparente sobrecitos plastic con el valor de P1.02 millones, dos balutan de robar dinero que ya pone incima un real P1,000 markao dinero, un celpon, un targeta de identificacion nacional, bolsos ecoloigico y plastico.
Asegun con el policia, con el arestao suspechao ya pone bajo’l custodia del Zamboanga City Police Station 6 en preparacion para el plantada del asunto contra conele por violacion del Ley Integral de Drogas Peligrosas de 2002. (B. Garcia)