El “101st Infantry Brigade” que ta encabesa si Brigadier General Alvin Luzon ya organiza un actividad de donada de sangre na quartel del mando na Barangay Tabiawan, ciudad de Isabela, provincia del Basilan.
El actividad, que ya conduci del Viernes, en liña con el “Health and Wellness Fair” del 127 celebracion del anniversario del “Philippine Army”.
Con el actividad ya participa mga soldados desdel quartel del mando y del diferentes battalion bajo mando del 101st Infantry Brigade.
Asegun con Luzon, tiene tamen total de 15 residentes de Barangay Tabiawan y otro mga dependientes del mga soldados el ya dona sangre durante el actividad.
Asegun con Luzon, todo-todo, 63 mga soldados, residentes y mga dependientes el ya dona sangre.
Ya rindi gratitud si Luzon con el mga partes interesadas quien activamente ya participa na actividad de donada de sangre. (B. Garcia)