El 4th Civil Relations Group (4RG) ya instola el primera fase del sistema de alerta temprano de inundaciones na uno del 16 municipios na provincia del Zamboanga Sibugay para el proteccion del mga vivientes contra avenida.
Asegun con el 4CRG, con el proyecto ya instola del Jueves na presa del kabasalan na Barangay Banker, Kabasalan, Zamboanga Sibugay.
Asegun con el 4CRG, el dispositivo ta usa energia solar y puede imbia informacion maskin nohay internet o electricidad por medio de comunicacion de radio bidireccional.
Ta puede tamen el dispositivo imbia informacion tiempo real en cuatro maneras por medio de SMS, Web Browser, Smart Phone y VHF radio.
El proyecto ya implementa el 4CRG en colaboracion con el REACT Tagok Group.
Con el proyecto ya implementa na Kabasalan cay firme ta socede avenida na mencionao municipio. (B. Garcia)