Un antes miembro del “Philippine Coast Guard (PCG)” el ya aresta mga autoridad na implimentacion de un orden de aresto aqui na ciudad, el pulisiya local ya reporta del Lunes.
El Zamboanga City Police Station 5 (ZCPS5) ya nombra con el arestao suspechao como si Raymin Mohammad, 31, un antes miembro del PCG quien bajo el estado de ausente sin permiso o “Absence without Official Leave (AWOL)”.
Asegun con el ZCPS5, con Mohammad ya aresta mga alas 12:50 del Sabado aga na Barangay Taluksangay, en este ciudad.
Asegun con el ZCPS5, si Mohammad tiene pendiente orden de aresto por el crimen de matansa sin piansa que ya dale el un tribunal del ciudad de Zamboanga del Septiembre 12, 2023.
Con Mohammad ya aresta el combinao personajes del ZCPS5, 1st Zamboanga City Mobile Force Company y del Regional Mobile Force Battalion-9.
Ya pone con Mohammad bajo na temporario custodia del ZCPS5 antes que ya entrega conele na concierne tribunal. (B. Garcia, photo courtesy of ZCPS5)