Un “high-value individual (HVI)” quien na mismo tiempo na “watchlist” el ya aresta mga autoridad y ya confisca P680,000 droga ilegal na un “buy-bust operation” en este ciudad, asegun con el policia local del Lunes.
Asegun con Police Colonel Alexander Lorenzo, el Zamboanga City Police Office director, con el arestao suspechao ya conose como si Rambo Agpangan, 18 años el edad y residente de Zone 2, Barangay Cawit, en este ciudad.
Asegun con Lorenzo, con Agpangan ya aresta mga alas 11:52 del Domingo aga na Calle Daisy, Barangay Guiwan, en este ciudad.
Durante el aresto de Agpangan, si Lorenzo ya habla, ya puede recubri na su posesion 100 grams de suspechao shabu que tiene el valor de P680,000, un celpon, un cellophane, un bundle de 49 pedaso de P1,000 “boodle money” que ya pone insima un verdadero P1,000 como markao sen.
Ya detene con Agpangan na carcel del Zamboanga City Police Station 5 (ZCPS5) en paparacion para el plantada de caso contra con el suspechao. (B. Garcia, photo courtesy of ZCPS5)