El mga autoridad ya confisca valor P444,000 smuggled cigarillo na un municipio insular na provincia del Sulu, asegun con el policia del Miercoles.
Asegun con el Police Regional Office-Bangamoro Autonomous Region (PRO-BAR), con el mga smuggled cigarillo ya confisca del Martes na Barangay Siganggang, Pandami, Sulu.
Asegun con el PRO-BAR, antes del confiscacion del mga smuggled cigarillo, el mga pulis del municipio de Pandami ya recivi un informacion de inteligencia sobre el dudable actividades que ta socede na Barangay Siganggan.
Asegun con el PRO-BAR, el mga pulis de Pandami ya descubri 12 cajon de cigarillo que tiene el valor de P444,000 tapao de trapal y escondido abajo na un pono’y palo cuando ya verifica sila con el informacion de inteligencia.
El PRO-BAR ya habla, el policia del municipio de Pandami ta conduci investigacion para determina si quien el mga individuales responsable smuggling del mga cigarillo para previni semehante instancia na futuro y previni el proliferacion del mga mercancias de contrabando na lugar.
Con el mga confiscao cigarillo ya lleva na quartel del policia del municipio de Pandami y eventualmente hay entrega na Buro de Aduana para el propio disposicion. (B. Garcia)Â