El mga autoridad ya aresta un persona mas buscada na un exitoso operacion de aplicacion de ley na provincia del Lanao del Sur, asegun con el policia del Jueves.
Si Police Colonel Roberto Daculan, el director del policia na Lanao del Sur, ya identifica con el arestao persona mas buscada como si alias Andang, un residente de Barangay Bubong Madanding, Marantao.
Asegun con Daculan, con Andang ya aresta na un operacion de aplicacion de ley por medio na implementacion de un orden de aresto mga ala 1:09 del Martes tarde na Barangay Poblacion, Marantao, Lanao del Sur.
Si Daculan ya habla, si Andang tiene pendiente orden de aresto por el crimen de matansa con multiples frustrado matansa sin recomendao piansa que ya dale el un corte na ciudad de Marawi, Lanao del Sur del Deciembre 18, 2014.
Si Daculan ya habla, con Andang despues de ya man lagasan el acusao y mga pulis cay ya istindi el suspechao cuando ya sinti le el presencia del mga autoridad na Barangay Poblacion.
Asegun con Daculan, con Andang ya columbra na Barangay Poblacion despues de tres meses operacion de vigilancia.
Con Andang ya entrega na custodia del policia na municipio del Marantao para el propio disposicion. (B. Garcia)Â