El policia del municipio de Buug na provincia del Zamboanga del Sur tiene ahora nuevo quartel.
Con el nuevo quartel ya inagura del Miercoles que ya encabesa si Police Brigadier General Bowenn Joey Masauding y Congresista Wilter Palma del primer distrito del Zamboanga Sibugay.
El construccion del nuevo quartel del policia na Buug aya ase posible con el suporta de Palma.
Si Masauding ya rindi su gratitud con Palma por el de suyu suporta con el policia na su distrito.
Con el proyecto ya construi na supervision del Departamento de Obras Publicas y Carreteras o DPWH.
Durante el inaguracion del proyecto, presente tamen el Alcalde Dionesia Lagas del Buug t otro mga oficiales del policia, DPWH and municipio del Buug. (B. Garcia, photo courtesy of PBGen Bowenn Joey Masauding Facebook page)