El mga personajes del Philippine National Police-Maritime Group (PNP-MG) ya confisca valor de P1.6 millones smuggled cigarillo na un operacion de aplicacion de ley na provincia del Sulu, asegun con el PNP-MG del Jueves.
Asegun con el PNP-MG, con el mga smuggled cigarillo ya confisca el mga personajes del Sulu Maritime Police Station (MARPSTA) del Lunes na canto’y aplaya del Barangay Bubuan, Hadji Panglima Tahil, Sulu.
Asegun con el PNP-MG, nohay con quien ya aresta por causa el mga personas envuelto na transportada del mga smuggled cigarillo ya istindi para na diferentes direccion cuando ya gole sila el llegada del mga pulis.
El PNP-MG ya habla, el mga personajes del Sulu MARPSTA ya enderesa na canto’y aplaya del Barangay Bubuan, Hadji Panglima Tahil, cay ya recivi sila informacion tiene mga smuggled cigarillo el ya descarga na mencionao lugar.
El mga personajes del Sulu MARPSTA ta continua de ila investigacion para determina si quien el mga gente envuelto na smuggling del mga cigarillo.
Asegun con el PNP-MG, como parte del de ila mandato, hay continua y hay intensifica sila el campaña contra smuggling de cigarillo y contra otros pa mga ilegal actividades. (B. Garcia)Â