Total de 235 gigante caña el ya siembra mga oficiales y personajes del Departmentamento de Medio Ambiente y Recursos Naturales, o DENR, na provincia del Zamboanga del Norte, asegun con el DENR del Miercoles.
Asegun con el DENR, total de 70 participantes desde’l Oficina Provincial de Medio Ambiente y Recursos Naturales y Oficina Comunitaria de Medio Ambiente y Recursos Naturales el ya participa na siembrada de gigante caña.
El actividad ya conduci del otro semana na Barangay San Vicente, Katipunan, Zamboanga del Norte.
Asegun con el DENR, el esfuerzo ta suporta con el sostenibilidad del medio ambiente y participacion comunitaria na practica de ecologico.
El Oficina Provincial de Medio Ambiente y Recursos Naturales y Oficina Comunitaria de Medio Ambiente y Recursos Naturales ta plaña conduci semehante actividad na venedero meses reforzando de ila compromiso con un futuro sostenible de Zamboanga del Norte.
El actividad ta comemora con el dia mundial de caña y aliñao con el proclamacion presidencial numero 1401, que ta designa con el mes de Septiembre como del mes de caña.
El tema para este año comemoracion amo el “Buhay Kawayan: Haligi ng Industriya’t Kalikasan, Pag-asa ng Kinabukasan. (B. Garcia)