El mga escogido personajes del 18th Infantry Battalion (18IB) ya esta bajo el seminar de sistema de aprendiendo alternativo o Alternative Learning System (ALS) para ayuda na implementacion del programa de ALS na provincia del Basilan.
El conducida del seminar ya facilita el Ministerio de Educacion Basico, Superior y Tecnica por medio de Artimia Pamaran, el persona focal del ALS na ciudad de Lamitan, provincia del Basilan.
Asegun con el 18IB, el seminar amo para apodera con el mga soldao el bastante sabidoria na campaña de paz.
Asegun con el 18IB, el mga soldao quien ya atende con el seminar hay ayuda na ofrecimiento del ALS y mejora el estandar de educacion del mga miliciano, y miembros del Moro Islamic Liberation Front y Moro National Liberation Front.
El iniciativo es en linea con el proceso de normalizacion, que asegura cay el mga antes combatientes hay reintegra na sociedad con mejor habilidades y sabidoria.
El seminar del ALS ya conduci na quartel del 18IB na Barangay Campo Uni, ciudad de Lamitan, Basilan. (B. Garcia)