Un maestra el ya aresta y ya confisca valor de mas de P1 millon droga ilegal na un operacion contra droga na provincia del Zamboanga Sibugay, asegun con el Philippine Drug Enforcement Agency (PDEA) del Sabado.
Si Maharani Gadaoni-Tosoc, el director regional del PDEA, ya nombra con el arestao maestra como si Gemma Lahaman Isnain, 59 años el edad, y un residente de Barangay Kong-Kong, Isla de Laminusa, Siasi, Sulu.
Asegun con Gadaoni-Tosoc con Isnain ya aresta el combinao grupo de operativas del PDEA y policia na un operacion de compra busto na Purok Masigla, Barangay Poblacion, Ipil, el capital del provincia de Zamboanga Sibugay.
Asegun con Gadaoni-Tosoc, ya confisca na posesion de Isnain 150 gramos de suspechao shabu enpaquetao na tres termosellada transparente sobrecitos plastico que tiene el valor de P1,020,000, dinero de compra busto, un celpon, recivo de transaccion de remesa, portamoneda, y otros pa.
Si Gadaoni-Tosoc ya habla, hay planta caso por violacion del Ley Integral de Drogas Peligrosas de 2002 contra con Isnain quien detenido na facilidad de detencion del PDEA na provincia del Zamboanga Sibugay. (B. Garcia)