El mga autoridad ya confisca valor de P1.8 millones smuggled cigarillo y ya recubri dos vehiculos na provincia del Sulu, asegun con el policia del Miercoles.
Asegun con Police Brigadier General Prexy Tanggawohn, el interino director del Police Regional Office-Bangsamoro Autonomous Region (PRO-BAR), con el mga smuggled cigarillo ya confisca y dos vehiculos ya recubri del Domingo na Barangay Bus-Bus, Jolo, el capital del provincia de Sulu.
Asegun con Tanggawohn, nohay con quien ya aresta por causa el mga individuales envuelto na smuggling del cigarillo ya istindi cuando ya gole sila el presencia del mga pulis.
El mga pulis ya enderesa para na Barangay Bus-Bus despues que ya recivi sila informacion cay tiene mga smuggled cigarillo el ya llega na mencionao lugar.
Con el mga confiscao cigarillo y dos recubrido vehiculos ya pone bajo’l custodia del policia na municipio del Jolo para el propio disposicion. (B. Garcia)Â
Â