El Oficina del Veterinario del Ciudad (OCVet) ta persegui el campaña del Oplan Alis Rabies aqui na ciudad de Zamboanga.
Si Dr. Mario Arriola, el jefe del OCVet ya habla del Sabado, ya inyecta sila vacuna con total de 1,559 gato y perro del Jueves na Barangay Putik, en este ciudad.
Asegun con Arriola, el objetivo del campaña amo para mejora el proteccion del publico y promove responsable dueño de animal domestico.
Asegun con Arriola, debe asegura el mga dueño cay vacunado el de ila mga animal domestico para contribui na objeto cay librao de rabies el ciudad.
Asegun con Arriola, el campaña de Oplan Alis Rabies tiene el objetivo para educa con el publico sobre el importancia del regular vacunacion y responsible cuidada de animal domestico. (B. Garcia)