El mga autoridad ya aresta con el uno del mga personas mas buscada na region na un operacion del aplicacion de ley impulsado de inteligencia na provincia del Zamboanga del Norte, asegun con el policia del Jueves.
El mando regional del policia, o Police Regional Office-9 (PRO-9), ya identifica con el arestao acusao como si Jose Jekerome Duhaylungsod Nalangan, el numero 10 persona mas buscada na region.
Asegun con el PRO-9, con Nalangan ya aresta na un operacion de aplicacion de ley por medio na implementacion del un orden de aresto mga alas 9:21 del Martes aga na Barangay Poblacion, Sindangan, Zamboanga del Norte.
Asegun con el policia, si Nalangan tiene pendiente orden de aresto por violacion del Seccion 5, Articulo II del Ley Integral de Drogas Peligrosas del 2002.
Con Nalangan ya aresta el mga personajes del Criminal Investigation and Detection Group (CIDG) con el suporta del policia del Sindangan, 1st Zamboanga del Norte Provincial Mobile Force Company, y personajes del Philippine National Police-Maritime Group.
Asegun con el policia, con Nalangan ya ponde bajo’l custodia del CIDG na Zamboanga del Norte. (B. Garcia)