El 101st Infantry Brigade (101Bde) ya hace un accion significativo para reforza el seguridad na Basilan por medio de establisar un nuevo base de patrulla, asegun con el militar del Jueves.
Asegun con el 4th Civil Relations Group (4CRG), con el nuevo base de patrulla ya establisa na Barangay Bulan-Bluna, Lantawan, Basilan.
Asegun con el 4CRG, con el establisida del nuevo base de patrulla ya facilita si Tiniente Coronel Adolf Ian Garceron, el comandante del 4th Special Forces Battalion.
Asegun con el 4CRG, con el base de patrulla oficialmente ya inagura del Martes que ya atende mga partes interesadas incluido el Alcalde Nasser Abubakar del municipio de Lantawan, de quien fuerte suporta instrumental na construccion del facilidad.
El base de patrulla hay servi como puesto del mga personajes del militar, asegurando el fuerte presencia na lugar para el mantencion de paz y seguridad del mga residentes.
Si Brigadier General Alvin Luzon, el comandante de 101Bde, ya expresa su profundo gratitud con Abubakar por su inquebrantable suporta que ya realiza el construccion del base de patrulla. (B. Garcia)Â