El Marine Battalion Landing Team-1 (MBLT-1) tiene ahora nuevo oficial ejecuivo del battalion, asegun con el militar del Lunes.
Este ya vene despues que si Tiniente Coronel Nepthalie Papa, el comandante del MBLT-1, ya instola del Sabado con Major Christopher Cantila como el nuevo oficial ejecutivo del batallon.
Asegun con el MBLT-1, si Cantila ya reemplaza con Major Ariel Delos Santos.
El ceremonia de cambio de oficina ya hace del Sabado na estacion naval na Barangay Rio Hondo, ciudad de Zamboanga.
Con Delos Santos y Cantila ya dale Plaque de Reconocimiento por el de ila meritorioso y incommensurable servicios como el official ejecutivo del batallon y oficial de operaciones del MBLT-1, respetivamente, desde Agosto 10, 2023 hasta Septiembre 1, 2024.
Asegun con el MBLT-1, con Delos Santos ya reasigna para na Marine Corps Center for Leadership at quartel del Philippine Marines na Fort Bonifacio, ciudad de Taguig. (B. Garcia)