Ya dale aseguransa el jefe del nars del fuerza armada del Pilipinas o del AFP con el 11th Infantry Division (ID) el continuo suporta na servicio de salud para con el 11ID base na provincia de Sulu.
Si Brigadier General Ma. Dolores Manalo Lim, el jefe del nars del AFP, ya dale el aseguransa durante su visitada na quartel del 11ID na Campo Teodulfo Bautista na Barangay Busbus, Jolo, Sulu del Viernes.
Durante su visitada na quartel del 11ID, ya man hunta tamen si Lim con el mga oficiales y personajes del Kuta Heneral Teodulfo Bautista Station Hospital locao adentro na campo del 11ID.
Si Lim ta visita con el diferente mando y hospital del militar para personamente sabe si cosa el mga necesidades del mga facilidad medical del militar.
Mientras tanto, si Brigadier General Alexei Musngi, el assistant division commander del 11ID, ya expresa su apreciacion con Lim por dedicar tiempo para visita na Campo Bautista y asegura el continuo servicio de salud con el mando.
Si Lim amo el aka-27 jefe del nars del AFP. (B. Garcia)