El govierno local ya compra dos bus como parte del programa para mejora el equipo y facilidades para el conviniencia del mga empleyado del govierno local y del publico.
Con el dos bus ya inagura del lunes despues del ceremonia de la bandera o “flag ceremony” del lunes. Con el dos vehiculo ya bendici el Padre Filmore Calibo.
Asegun con el Alcalde Dalipe del Martes cay cada uno del bus tiene el precio de P4.9 millones y tiene el capacidad de 29 pasajeros.
Asegun con Dalipe el dos nuevo bus ay omenta con el presente tres vehiculo que tiene el govierno local entendido para sirvi con el mga personajes del City Hall.
Si Dalipe ya habla cay puede tamen usa con el mga vehiculo para ayuda con mga vivientes del ciudad y mga organisasion civico. (B. Garcia, photo courtesy of John Dalipe Facebook page)