El gobierno provincial de Basilan ya distribui mga banca de motor del Jueves con 58 pescador desde’l diferentes barrio costal na mencionao provincia.
Si Governor Jim Hatalam-Salliman, ya habla del Viernes cay el proyecto intendido para ayuda y suporta con el mga pescador tene nivel de vida sostenible.
Na su mensaje, si Salliman ya habla el distribucion del banca de motor con mga pescador es uno del prioridad del su administracion con el objetivo fortalece un sustenible sector de agropesca del provincia.
Si Dr,. Syrhayda Aguisanda, el official-en-cargao del oficina provincial de agricultura, ya man hunto con Salliman durante el distribucion del mga banca de motor con mga pescador.
Asegun con Salliman, su administracion nunca descansa el peleya contra atake de cocolisap na mga plantacion de coco y enfermedad de pestalotiopsos na mga pono de goma y pescaria para asegura el buen lavida del mga siembradores y pescadores hablando el agricultura amo el columna vertebral del economia del Basilan.
Presente durante el distribucion del mga banca de motor canda Board Members Moumar Muarip, Monsoi Aramil, y Miko Asarul y el mga jefe del mga departamentos del gobierno provincial. (B. Garcia)