El Departamento de Bienestar Social y Desarollo o el DSWD ya distribui 2,000 saco de arroz con mga miembros del Pantawid Pamilyang Pilipino Program (4Ps) na provincial de Tawi-Tawi y Basilan del ayer, dia de Lunes.
Na total de 2,000, el mil saco de arroz ya distribui na municipio del Bongao, Tawi-Tawi y el otro mil saco na ciudad de Lamitan, Basilan.
El distribucion del mil saco de arroz na Bongao ya encabesa si DSWD Secretary Rex Gatchalian hunto con Yshmael Sali, el governador del Tawi-Tawi.
El mga personajes de oficina regional del DSWD ya distribui con el otro mil saco de arroz hunto con el govierno provincial del Basilan y del ciudad de Lamitan y del Ministerio de Bienestar Social y Desarollo (MSSD) de region autonomo.
El distribucion del arroz con mga miembros del 4Ps that sirvi como parte del solucion del govierno contra na carestia del arroz na mercao publico y peleya contra hambre.
El mga arroz que ya distribui na Tawi-Tawi y Basilan parte del 42,000 saco de arroz que ya confisca el Buro de Aduana na un bodega na ciudad de Zamboanga del mes de Mayo este año. (B. Garcia, photo courtesy of DSWD Region IX)