El Departamento de Obras Publicas y Carreteras, o DPWH, ya completa el construction del P41.1 millones estructura de control de inundaciones na ciudad de Zamboanga, asegun con el DPWH del Sabado.
Asegun con el DPWH-Zamboanga Peninsula, con el proyecto de control de inundaciones ya construi na rio de Tinuba, Barangay Sinubong, ciudad de Zamboanga.
“El objetivo del proyecto amo para minimiza el destroso de propiedad y proteje con el mga residentes na lugar desde puerte avenida,” el DPWH-Zamboanga Peninsula ya habla na un declaracion.
El nuevo construido estructura de control de inundacion tiene el largor de 442 metros lineal, con un metro cresta superior y 0.50 metro gruesor de inclinacion, asegun con el DPWH.
Asegun con el DPWH, el proyecto ta proporciona proteccion critical con mga residents ta esta na canto’y rio, ta salvaguarda ambos vidas y propiedades desde peligro de desbordamiento de agua, patricularmente durante tiempo’y aguacero.
El alocacion del fondo para el proyecto estaba na Ley General de Asignaciones, o GAA, del 2023.
Con el proyecto ya implementa el Oficina de Ingenieria del Distrito del Ciudad de Zamboanga. (B. Garcia)