El Departamento de Obras Publicas y Carreteras, o DPWH, exitosamente ya completa con el construccion del un nuevo camino de acceso na provincia del Zamboanga del Sur, asegun con el DPWH.
Asegun con el oficina regional del DPWH, con el nuevo camino de acceso que ya costa P40 millones ya construi na Barangay Laperian, San Miguel Zamboanga del Sur.
El DPWH ya habla, el proyecto del camino de acceso tiene el largor de 3.72 kilometros de esquinita.
El proyecto del camino ya inclui el instolacion de 48 pulgada diametro reinforsao tubo de cemento, o imbornal, y blanco y Amarillo markas de cemento termoplastico para mejorao visibilidad.
Asegun con el DPWH, el nuevo construido camino hay reduci el hora del viaje desde 15 para 20 minutos y hay beneficia aproximadamente 513 residentes na Barangay Laperian, y desde mga sercanos comunidades tambien.
El mejorao acceso esperansao mejora el conectividad na servicios esencial como el ciudada de salud y mercados, particularmente beneficiando con el mga local siembradores de coco.
Con el proyecto ya implementa el Oficina de Ingenieria del Segundo Distrito del Zamboanga del Sur. (B. Garcia)