El Departamento de Obras Publicas y Carreteras, o DPWH, ya construi un nuevo edificio de multiples objetivo para dale espacio versatil de reuniones comunitaria na uno del mga barrios na Diplahan, Zamboanga Sibugay.
El oficina regional del DPWH, ya habla del Lunes cay con el edificio de multiples objetivo ya construi na Barangay Luop, Diplahan.
El fondo de P2 millones para el construccion del proyecto, que ya bisia enbuenamente y implementa el DPWH, estaba na Ley General de Asignaciones de 2004.
Asegun con el DPWH, el un andana edificio tiene piso con el anchor de 48 metros cuadrados y equipao con moderno caracteristicas como sistema de split-type air-conditioning, tanque de agua de acero inoxidable, accesorias de iluminacion energeticamente eficientes, piso de baldoza, y barandillas por accesibilidad.
El nuevo facilidad esperansao servi con el necesidades del comunidad, dalida espacio versatil para reuniones, programa educativo, y servicio esencial de salud.
El proyecto hay beneficia con el populacion local aproximadamente 886 residentes, y anticipado hay ayuda mejora con el crecimiento de socio-economico del Barangay Luop. (B. Garcia)