El Departamento de Obras Publicas y Carreteras, o DPWH, exitosamente ya completa el cementada del camino acceso na provincia del Zamboanga Sibugay, asegun con el DPWH.
Asegun con el DPWH, el nuevo cementao camino acceso ta conecta con el Barangay Banker y Siniman na municipio del Kabasalan, Zamboanga Sibugay.
Aegun con el DPWH, el nuevo cementao camino acceso hay mejora el conectividad entre el mga lejanos barangays na municipio de Kabasalan.
El DPWH ya habla, el total alocacion de P90 millones para el hacida del proyecto estaba na Ley General de Asignaciones del 2023.
El proyecto tiene el largor del 1,907 metros de esquinita con el anchor del calzada de 6.10 metros.
El proyecto ya inclui tamen el instolacion de caracteristicas de seguridad esencial como el imbornal, mamposteria de piedra, rirap, y barandillas metalicas para asegura el largo tiempo durabilidad y seguridad.
Asegun con el DPWH, el cementada del camino acceso hay menora el hora del viaje dentro de 12 para 15 minutos, permitiendo con el mga siembradores eficiente transporta del ila productos agricultural na grande mercado publico.
El DPWH ya habla, el desarollo esperansao mejora el economia local y calidad del vida na lugar.
Con el proyecto ya implementa el oficina de ingenieria del DPWH na segundo distrito del Zamboanga Sibugay. (B. Garcia)