Un comerciante de fescao ya muri na un incidente de tiroteo aqui na ciudad de Zamboanga, asegun con el pulisiya local del Martes.
El Zamboanga City Police Station 6 (ZCPS6) ya nombra con el victima como si Hadjail Wahab, 23 años el edad.
Asegun con el ZCPS6 con Wahab ya tira maga alas 7:50 del Lunes denoche na Phase 1 del Barangay Kasanyangan, en este ciudad.
Base na investigacion, ta camina si Wahab cuando ya tira conele el un desconosido armao persona por muchas beses que ya causa su enseguidas muerte.
Asegun con el pulisiya cay el victima mga un pa lang el ya pasa ya sale na calaboso por el asunto relatao na droga ilegal.
El ZCPS6 ta continua el investigacion para determina si quien el echor del incidente. (B. Garcia)