Si Brigadier General Alvin Luzon, el comandante del 101st Infantry Brigade, ya ase llamada con el mga fuerzas de la milicia para mantene el alto estandar na rindida de servicio con el mga Basileños.
Si Luzon ya ase el llamada cuando ya distribui le mga paquetes de comestibles, en ispirutu del Pascua, na base de patrulla na Barangay Matarling, Lantawan, Basilan del Sabado.
Ya ase pasa si Luzon su sincero gratitud con el fuerzas de la milicia por el de ila firmi y disenteresado servicio con mga vivientes del Basilan.
El visitada y distribucion del mga paquetes de comestibles entendido para chekia el preparacion y aumentar el moral del mga milicianos.
El mga milicianos amo el fuerzas de teritorio quien ta guardia y depende con el comunidad contra todo clase de mal elementos del sociedad. (B. Garcia, photo courtesy of 101st Infantry Brigade)