MIHIMO og exchange visit ang Zamboanga City dinhi sa dakbayan sa Cagayan de Oro aron tun-an ang ‘best practices’ sa mga programa ug serbisyo nga gitanyag sa Public Employment Services Office (PESO) ug Oro Youth Development Office (OYDO), Oktubre 19 ning tuig.
Nag-unang gihisgutan atol sa exchange visit sa city hall ang mga programa sa syudad kabahin sa employment facilitation, ingon man ang mga ‘collaborative programs’ kauban ang Youth Works PH ug Philippine Business for education.
Ang grupo mainitong gidawat ni City Administrator Atty. Hilario Roy Raagas kinsa mipadangat sa pasalamat ni Mayor Rolando ‘Klarex’ Uy tungod sa pagpili sa dakbayan sa ilang benchmarking activity.
Mapasalamaton usab si City Councilor Jose Pepe Abbu Jr., ang chairman sa Committee on Labor and Employment sa 20th city council nga adunay lagsik nga pag-inambitay sa mga ‘best practices’ tali sa duha ka syudad.
News and photo courtesy of CIO CDO