El mga personajes del Oficina Comunitaria de Medio Ambiente y Recursos Naturales, o OCENR-Manukan, ya confisca ilegal cortao 69 tablon de narra na provincia del Zamboanga del Norte, asegun con el OCENR-Manukan del Martes.
Asegun con Eugene Celi, el jefe del OCENR-Manukan, con el ilegal cortao palo de narra ya confisca del otro semana na Barangay Bulawan, Katipunan, Zamboanga del Norte.
Asegun con Celi, el confiscacion ya vene despues que ya recivi sila informacion desde con un concierne residente sobre el camada de ilegal cortao tabla de narra na Purok Dos, Barangay Bulawan, Katipunan.
Si Celi ya habla, el 69 tablon de narra tiene el volumen de 700.77 pies tablares, o 1.65 metros cubico, con el aproximadamente valor de P68,675.46.
Si Celi ya habla, con el mga confisca tabla de narra ya pone na compound del CENRO-Manukan para el propio disposicion.
Asegun con Celi, ta continua de ila investigacion para determina si quien el mga personas responsable na ilegal cortada del palo de narra.
El pono de narra listao bajo el orden administrativo de Departamento de Medio Ambiente y Recursos Naturales como un vulnerable palo. (B. Garcia)