Ya man uput el casa del un barbero na un incidente de incendio na costa este del ciudad, asegun con el policia local y bombero del Martes.
Asegun con el policia local, el incendio ya ocuri mga alas 5:50 del Lunes tarde na Zone 4B, Barangay Culianan, 13 kilometros este del ciudad de Zamboanga.
El policia local ya nombra con el dueño del casa como si Mark Vincent Villamor, 35 años el edad y un barbero.
Base na investigacion del bombero, defectoso alambrado de electicidad el causa del incendio que ya raza con el casa de Villamor.
Asegun con el bombero, con el incendio completamente ya apaga mga alas 6:11 del Lunes denoche.
El bombero ya evalua cay valor de P100,000 propiedad el ya destrosa na incendio.
(B. Garcia)