Catorse mga potencial victimas de trafico de personas o Trafficking in Persons (TIP) el ya salva el mga autoridad na provincia de Tawi-Tawi, asegun con el policia del Sabado.
Asegun con el Regional Maritime Unit Bangsamoro Autonomous Region (RMUBAR) del Philippine National Police, con el mga potencial victimas de TIP ya salva del Viernes na pantalan del Bongao, el capital del provincia de Tawi-Tawi.
El RMUBAR nohay mas identifica con el mga potencial victimas de TIP quien mga residentes de diferentes lugar na region.
El mga potencial victimas de TIP esperansao para viaja y trabaja na Malaysia sin el propio o necesario documentos.
Asegun con el RMUBAR, con el mga salvao potencial victimas de TIP enmidietamente ya lleva na Tawi-Tawi Maritime Police Station (MARPSTA) para el entrevista adicional y documentacion.
Asegun con el RMUBAR, despues del entrevista adicional y documentacion, con el mga salvao potencial victimas de TIP ya entrega na custodia del Oficina del Ministerio de Bienesta Social y Desarollo para el propio asesoramiento y analisis de estres.
Asegun con el RMUBAR, con el mga potencial victimas ya salva el mga personajes del Tawi-Tawi MARPSTA, Guardia Costera del Filipinas, y otro mga unidades del policia y del Municipal Inter-Agency Committee Against Trafficking. (B. Garcia)