Asegun con el PDEA-BARMM, con el mga suspechao ya aresta na un operacion de compra busto que ya resulta na desmantelada del cuarto de droga del Lunes na vicinidad de un colegio na Barangay Poblacion 2, ciudad de Cotabato.
El PDEA-BARMM ya habla, ya confisca na desmantelao cuarto de droga 15 gramos de suspechao shabu enpaquetao na 17 termosellada transparente plastico sobrecitos que tiene el valor de P102,000, dinero de comptra busto, varias parafernales de droga, y un portamoneda.
Asegun con el PDEA-BARMM, con el mga arestao suspechao ya detene na facilidad de detencion del agencia en preparacion para el plantada del asunto contra canila por violacion del ley integral de drogas peligrosas de 2002.
El PDEA-BARMM ya habla, el operacion de compra busto ya conduci con el suporta del policia, y del oficina de seguridad publica del ciudad de Cotabato. (B. Garcia)