El mga autoridad ya confisca valor de P18.1 millones smuggled cigarillo na un lejanos lugar na provincia de Maguindanao del Norte, asegun con el policia del Lunes.
Asegun con Police Brigadier General Prexy Tanggawohn, el interino director del Police Regional Office-Bangsamoro Autonomous Region (PRO-BAR), con el mga smuggled cigarillo ya confisca del Sabado na Sitio Holbot, Barangay Sarmiento, Parang, Maguindanao del Norte.
Asegun con Tanggawohn, con el mga smuggled cigarillo ya confisca despues que ya recivi informacion mga autoridad desde con concierne residentes cay tiene mga contrabando na Sitio Holbot, Barangay Sarmiento.
Asegun con Tanggawohn, el mga operativas quien ya responde con el informacion, ya encontra dos trak ta contene 490 cajon de cigarillo que tiene el valor de P18.1 millones cuando ya llega sila na Sitio Holbot, Barangay Sarmiento.
Si Tanggawohn ya habla, ta continua sila de ila investigacion para determina si quien el dueño del dos abandonao track lleno de contrabando.
Si Tanggawohn ya habla, con el confiscao smuggled cigarillo y dos trak ya pone bajo’l custodia del policia del Parang para el documentacion y propio dispisicion.
Si Tanggawohn ya habla, con el mga smuggled cigarillo ya confisca el combinao grupo del policia, military, y National Intelligence Coordinating Agency. (B. Garcia)