El mga autoridad ya confisca un barco de pesca y aresta sinco tripulantes na un operacion de aplicacion de ley na provincia del Zamboanga del Sur, asegun con el policia del Viernes.
El Philippine National Police-Maritime Group (PNP-MG) nohay mas nombra con el mga arestao tripulantes con quien ya aresta del Martes na mar del Margosatubig, Zamboanga del Sur.
Asegun con el PNP-MG, el mga personajes del Zamboanga del Sur Maritime Police Station (ZDS MARPSTA) bajo el liderato de Police Major Benzar Mukarram ta conduci patrulla maritima cuando ya columbra sila con el barco de pesca.
Asegun con el policia, ya confisca con barco de pesca y con el mga tripulantes ya aresta por violacion del Seccion 113 del Ley de Republica Numero 10654.
Asegun con el policia, el confiscao barco de pesca y mga tripulantes ya pone bajo’l custodia del ZDS MARPSTA para el propio disposicion. (B. Garcia)