El Alcalde John Dalipe ya encabesa otro actividad de siembrada de arboles como ta esta le enfocado na su mision para simebra un millon pono’y palo durante su primer termino na puesto.
Asegun con Enginiero Rey Gonzales, el jefe del Oficina de Medio Ambiente y Recursos Naturales del Ciudad, el actividad de siembrada de arboles ya conduci del Viernes na Barangay Tulungatung, en este ciudad.
Asegun con Gonzales, total de 700 arboles, compuesto de especies de caña y narra el ya siembra, llevando el total numero de siembrao arboles para na 801,500 o 80 por ciento del un millon objetivo desde Agosto 2, 2024.
Asegun con Gonzales, mas or menos 200 gente representando agencias local y nacional incluido organizaciones no gubernamentales el ya participa conel actividad del Viernes.
Si Gonzales ya habla, el un millon iniciativo de Dalipe ta forma parte del promesa del alcalde para ayuda construi un buen y sostenible future para del mga Zamboangueños. (B. Garcia)