El Alcalde John Dalipe y el Congresista Jose Manuel Delipe ya encabesa el conducida del operaciones de alivio despues del sin descanso aguacero ya causa el habagat ya inunda nueve barangays na ciudad de Zamboanga.
El conducida del operacion de alivio (relief operations) ya vene despues que ya completa el Oficina de Desarollo y Bienestar Social del Ciudad, o CSWDO, el evaluacion y perfilando del mga afectao familia ng mga centros de evacuacion.
Asegun con el CSWDO, el dos oficiales ya distribui del Sabado con mga afectao residentes mga comida enpaquetao, kits de hygiene, balde, petate, manta, y otros articulos de alivio.
Asegun con el CSWDO, el Alcalde Dalipe ya mobiliza con el recursos del goberno local para responde y ayuda con el mga afectao residentes amediante del calamidad.
Asegun con el CSWDO, el mga bien afectao barangays amo el Tugbungan, Tumaga, y San Jose Gusu. (B. Garcia)