El Fuersa Aramda del Pilipinas, o Armed Forces of the Philippines (AFP), ya promove con Brigadier General Leonardo Peña, el comandante del 11th Infantry Division (11ID), para na siguiente alto ranggo, asegun con el militar del Sabado.
Asegun con el 11ID, el promocion de Peña para na ranggo de major general es un testamento del su exepcional liderato, experiencia estrategica, y inquebrantable dedicacion na servicio del fuersa militar.
Asegun con el 11ID, cay na su carrera militar, si Peña consistente ya demostra exelencia operacional, un profundo dedicacion na seguridad nacional y foco na mantencion de paz y estabilidad na pais.
Si Peña quien un Batangueño, y ya nace del Noviembre 6, 1969, es un distinguido miembro del clase de “Sambisig” del 1991 na academia militar filipina.
Antes del su presente puesto, si Peña ya servi como el asistente del comandante del division del tercera division de infanteria.
El mga tropas del 11ID ya rendi hones militares completos con Peña na un ceremonia del Miercoles na Campo Teodulfo Bautista que th servie el casa del quartel del mando na Barangay Busbus village, Jolo, Sulu.
Con Peña ya designa como el comandante del 11ID del Agosto 9, 2024 y ya releva le con Major General Ignatius Patrimonio, quien ya retira desde’l servicio militar. (B. Garcia)