El Presidente Ferdinand Marcos, Jr., por medio del programa de Presidential Assistance for Farmers, Fisherfolk, and Families (PAFFF), ya distribui del Sabado total de P9.3 millones ayuda financial con mga siembradores de palay na ciudad de Zamboanga.
Asegun con el oficina de informacion publico del gobierno local del Lunes, total de 930 registrao siembradores del palay el ya beneficia con el dalida de ayuda financial bajo’l programa de PAFFF.
Cada uno del mga siembrador de palay ya recivi P10,000 ayuda financial.
El distribucion del ayuda financial, que ya facilita el Oficina del Agricultor del Ciudad, ya hace del Sabado na Gimnasio del Western Mindanao State University.
Asegun con el oficina de informacion publico del gobierno local, con el mga beneficiarios ya identifica por medio del de ila respetivo asociacion de irigadores para asegura cay el mga recipientes amo aquellos quien ta necesita ayuda dentro del comunidad de agricultura.
Base na lista del Oficina del Agricultor del Ciudad, tiene 36 asociaciones de irigadores na ciudad de Zamboanga, con mas o menos 28 para 36 beneficiarios cada uno.
El programa de PAFFF tiene el objetivo suporta con el sector de agricultura y ta forma parte del programa del Nuevo Pilipinas del gobierno nacional. (B. Garcia)