Total de 60,000 semilia de tilapia el ya distribui el gobierno na tres barangay na Lanao del Norte como suporta na busca lavida del mga acuicultores en aquel provincia, asegun con el militar del Sabado.
Asegun con el 4th Civil Relations Group (4CRG), con el mga semilia de tilapia ya distribui del Jueves na mga barangays de Lindongan, Palingkingan, y Somiorang na muncipio del Tangcal, Lanao del Norte.
El 4CRG ya habla, con el mga semilia de tilapia ya recivi el mga barrio capitan del tres barangay quien has distribui con el mga acuicultores na de ila cada’y cual lugar.
Asegun con el 4CRG, el tres barangay ya beneficia ya antes na programa de suporta de comunidad del 5th Mechanized Infantry Battalion (5MIB).
Asegun con el 4CRG, el 5MIB ya continua extende ayuda para suporta con el continuando desarollo mas ya conclui ya el programa.
Con el mga semilia de tilapia, ya distribui el Oficina de Pesca y Recursos Acuaticos, en asociacion con el 5MIB y gobierno local del Tangcal. (B. Garcia)