Tres rebelde New People’s Army (NPA) ya rindi na 10th Infantry Battalion (IB) del Miyercoles na provincia del Misamis Occidental, el militar ya anuncia del Huwebes.
Aquellos quien ya rindi amo canda Juanito Gumelos Jalalon, 28; Jenela Tomobo Minguay, 25 y si Renie Ansigue Lubetanya, 30.
Ambos canda Jalalon y Minguay amo mga residentes del Don Victoriano Chiongbian, Misamis Occidental y si Minguay es un residente de Dumingag, Zamboanga del Sur.
Asegun con Tiniente Coronel Jose Andrade Monje, el comandante del 10IB, cay el tres rebelde NPA ya decidi rindi por causa del dificultad que ta enfrenta sila myentras ta esta bajo del “Guerilla Front Sendong”.
Si Monje ya dale el aseguramiento cay protejido sila myentras bajo el tres na custodiya del su mando.
Asegun con Monje cay ay registra sila con el tres na programa del govierno nombrao como el Enhanced-Comprehensive Local Integration Program (E-CLIP).
Myentras tanto, si Governador Henry Oaminal del Misamis Occidental ya promete dale ayuda financial na cantidad de P30,000 cada uno canila como suporta na proceso del de ila reintegracion na sociedad.
(B. Garcia)
(Photo Courtesy of 10th Infantry Battalion)