El gobierno local ya dale premio de P100,000 cada uno con tres estacion del policia por el de ila buen acomplicimiento que ya resulta na nuetralisacion del mga suspechao na varias incidentes de tiroteo na ciudad de Zamboanga.
El Alcalde John Dalipe ya dale el premio con el tres jefes del mga estacion del policia na un simple ceremonia del Martes na cuarto de conferencia del City Hall.
El mga recipientes del premio ya recivi canda Police Captain Cris John Riego del Police Station 4; Police Major Pocholo Rolando Guerrero del Police 5; y, si Police Major Jovanie Julian.
El ceremonia na dalida del premio ya atende si Police Colonel Kimberly Molitas, el interino director del Zamboanga City Police Office (ZCPO).
Asegun con Dalipe el premio ta forma parte del gran iniciativo del gobierno local para anima mas eficiente aplicacion de ley y premio con mga oficial quien ta excede na de ila obligacion.
Ya alaba si Dalipe con el ZCPO por el diligencia y dedicacion na campaña contra criminalidad. (B. Garcia)Â