Tres personas el ya aresta el mga autoridad na un operacion que ya resulta na desmantelada de un cuarto de droga ilegal na ciudad de Zamboanga, asegun con el Philippine Drug Enforcement Agency (PDEA) del Domingo.
Si Maharani Gadaoni-Tosoc, el director regional del PDEA, ya identifica con el mga arestao suspechao como canda Jayson Principil, 49 años el edad; Jacob Principil, 46; y si Jayhard Principil, 24.
Asegun con Gadaoni-Tosoc, con el tres suspechao ya aresta na un operacion de compra busto que ya resulta na desmantelada del un cuarto de droga ilegal mga alas 6:36 del Viernes denoche na Paseo de Kapatid, Barangay Sinunuc, ciudad de Zamboanga.
Asegun con Gadaoni-Tosoc, ya confisca na desmatelao cuarto de droga ilegal sinco gramos de suspechao shabu enpaquetao na cuatro termosellada transparente sobrecitos plastico que tiene el valor de P34,000, dinero de compra busto, portamoneda, P39 dinero y diferentes clase de parafernales de droga ilegal.
Con el mga suspechao ta detene na carcel del oficina regional del PDEA.
Asegun con Gadaoni-Tosoc, con el tres aresta suspechao hay planta el caso por violacion del Secciones 5, 6, 7, 11, 13 y 14, del Articulo II, del Ley Integral de Drogas Peligrosas de 2002. (B. Garcia)