Tres personas el ya aresta el mga autoridad na campaña contra droga ilegal que ya resulta na desmantelada de un cuarto de droga na provincia del Basilan, asegun con el Philippine Drug Enforcement Agency (PDEA) del Miercoles.
Si Gil Cesario Castro, el director de PDEA na Bangsamoro Autonomous Region in Muslim Mindanao (BARMM), ya identifica con el mga arestao suspechao como canda Jerry De Leon Macahilos, el mantenedor de cuarto de droga; Ritchie Mojad Reyes; y, si Marjonie Ali Isa.
Asegun con Castro, con el tres suspechao ya aresta na un operacion de compra busto que ya resulta na desmantelada del un cuarto de droga del Lunes na Barangay Malinis, ciudad de Lamitan, provincia de Basilan.
Si Castro ya habla, ya confisca el mga operativas na desmantelao cuarto de droga sinco gramos de suspechao shabu en paquetao na seis termosellada transparente sobrecitos plastico que tiene el valor de P34,000, dinero de compra busto, varias parafernales de droga y tarjetas de identificacion.
Asegun con Castro, con el mga arestao suspechao ya detene na quartel del policia del ciudad de Lamitan en preparacion para el plantada del caso contra canila por violacion de Ley Integral de Drogas Peligrosas del 2002. (B. Garcia)