Total del P22.9 millones ayuda el ya recivi el 2,299 siembradores y pescadores del ciudad de Zamboanga por medio del programa de Presidential Assistance for Farmers, Fisherfolk and Families (PAFFF).
El ayuda financial ya distribui del Sabado y Domingo na gimnasio del Western Mindanao State University.
El distribucion del ayuda ya encabesa el Alcalde John Dalipe y Congresista Jose Manuel Dalipe del Segundo distrito de Zamboanga.
Asegun con el Alcalde Dalipe, cada un identificao beneficiario ya recivi P10,000 ayuda financial por medio del programa de PAFFF.
Si Dalipe ya habla, el mga beneficiarios quien ya recivi ayuda financial del Sabado y Domingo amo aquellos quien nohay recivi de ila ayuda del Julio 11 na UZ Summit Center que ya encabesa el Presidente Ferdinand Marcos Jr. y House Speaker Martin Romualdez.
El coninuando distribucion del ayuda de PAFFF ya facilita el oficina regional del Departamento de Bienestar Social y Desarollo en colaboracion con el gobierno local.
El PAFFF es un proyecto del Oficina del Presidente en colaboracion con el Camara de Representantes.
El objetivo del PAFFF amo para dale suporta con el sector de agricultura y parte del programa del Bagong Pilipinas del gobierno nacional. (B. Garcia)