El delegation del Pilipinas na nuevo concluido 22nd Asean Age Group Chess Championships na Vientiane, Laos ya gana medalla de plata na Rapid Chess-Girls 16 con el total puntos de 10.5.
Si Dr. Cecil Atilano, el jefe del division de deportes del ciudad, ya habla del Jueves cay el grupo compuesto de canda Lalaine Kaye Regidor de Laguna y Jean Cyreine Borce i Kathrine Khana Ventolera, ambos de ciudad de Zamboanga.
Asegun con Atilano, igualmente, si Ventolera ya captura el medalla de bronze na Standard Chess – Girls 10 categoria con el total puntos de 6.
El evento, ya hace desde Agosto 21 hasta 31, ya participa el mg atlera de chess desde Vietnam, Indonesia, Malaysia y Pilipinas.
El govierno local bajo el liderato del Alcalde John Dalipe es muy orgulloso por el buen resulta na de ila participacion na mencionao concurso de deportes. (B. Garcia)